बिर्तामोडमा प्रसिद्ध कथावाचक राधिका दासीको प्रवचन हुने

समाचार

Home
समाचार
बिर्तामोडमा प्रसिद्ध कथावाचक राधिका दासीको प्रवचन हुने

बिर्तामोडमा प्रसिद्ध कथावाचक राधिका दासीको प्रवचन हुने

गोर्खा पोष्ट आइतबार, फागुन १४, २०७९

बिर्तामोड । ज्येष्ठ नागरिक चौतारीसहितको बहुउद्देश्यीय सामुदायिक भवन र व्यवस्थित कर्मयोग स्थल निर्माणका लागि झापाको बिर्तामोडमा सप्ताहव्यापी अनुष्ठानको आयोजना हुने भएको छ ।

बिर्तामोड–४ मेघाबारी टोलमा नवनिर्मित श्री सिद्धिविनायक गणेश पाञ्चायन मन्दिर प्राङ्गणमा फागुन २० गतेदेखि सप्ताहव्यापी श्रीमद् भागवत ज्ञान महायज्ञ आयोजना गरिएको अनुष्ठान आयोजक समिति संयोजक भिमा शिवाकोटीले जानकारी दिएकी छन् ।

सार्वजनिक महत्वको किरियापुत्री भवन र ज्येष्ठ नागरिक चौतारीसहितको सामुदायिक भवन निर्माणका लागि अनुष्ठान आयोजना गरिएको हो । सुप्रसिद्ध भागवत मञ्जरी राधिका दासीको कथा प्रवचन रहने उक्त अनुष्ठानका लागि पण्डाल निर्माण कार्य धमाधम भइरहेको छ ।

आयोजक समितिले सचिवालय समिति, विभिन्न उपसमिति र सल्लाहकार समिति गठन गरी प्रचारप्रसार र आन्तरिक व्यवस्थापनको कार्यलाई तीब्रता दिएको छ । सामुदायिक भवन र किरियापुत्री भवन निर्माण गर्ने उद्देश्यले आयोजना गरिएको उक्त धार्मिक अनुष्ठानमा सरिक भई आध्यात्मिक लाभ लिएर स्वेच्छिक सहयोग गर्न सरोकारवाला सबै पक्षलाई आयोजक समितिले आग्रह गरेको छ ।

सप्ताहव्यापी महापुराणको पाठ पारायण र कथा प्रवचन अघि फागुन २० गते विहान ९ बजेदेखि कलश यात्रासहितको नगरपरिक्रमा तय गरिएको छ । नगरपरिक्रमा र सप्ताहव्यापी कथा प्रवचनमा सहभागी भइदिन बिर्तामोड र छिमेकी नगरबासीमा आयोजक समितिले आग्रह गरेको हो ।

अनुष्ठानको उद्घाटन फागुन २० गते सभामुख देवराज घिमिरेको प्रमुख आतिथ्यमा गरिने पुराण आयोजक समितिका सचिव पुष्प खड्काले जानकारी दिएका छन् ।

प्रकाशित मिति: आइतबार, फागुन १४, २०७९ २०:३९

प्रतिक्रिया दिनुहोस्